Napagtanto ko, tayo pala ay magkapamilya.
Ang pamilya ay nagkakaisa sa isang layunin kahit pa pagka minsan ay may hindi pagkakaunawaan na humahantong pa nga sa pag-aalitan. Ngunit pagkaraan nito’y natututunan ang pagpapatawad at napapaigting ang pagmamahalan.
“Sa Fraternal Order of Eagles-Philippine Eagles, ang diwa ng pamilya ay lubos na pinahahalagahan. Dito, tayo ay hindi lamang mga kaibigan, kundi isang malaking pamilya. Ang kahulugan ng “pamilya” ay hindi limitado sa kadugo bagkus ay sa pagmamahalan at pagtutulungan.
Sa ating organisasyon, naniniwala tayo na ang pamilya mo ay kapamilya ko rin. Ang kaligayahan at kalungkutan ng bawat pamilya ay nagiging kasiyahan at kalungkutan ng pangkalahatan. Kaya sa bawat tagumpay at hamon, dapat handang magmahalan at magtulungan ang bawat isa.
Ang ating layunin ay hindi lamang ang pag-unlad ng ating sarili, kundi ang pagtulungan sa pag-unlad ng bawat miyembro ng pamilya. Sa pagkakaisa at pagmamahalan, tiwala tayong makakamit natin ang tagumpay bilang isang pamilya sa Fraternal Order of Eagles-Philippine Eagles.”
Pahalagahan natin ang ating malaking pamilya na binigkis ng iisang layuning tumulong.
Mabuhay ang Agila! Mabuhay ang CLR80!